المدمن على التسوّق: انت من النوع يللي بيشتري بدون سبب؟ أو بتشتري بكمية كبيرة اذا كنت زعلان أو معصّب؟

المتسوّق الاندفاعي: بيشتري تيحسّ حالو أحسن، وببرّر عملتو بحجّة انّو كان في حسومات أو بعد ما تخطّى حد المبلغ بالـcredit card.

انت من الأشخاص يللي ما بيحسب حساب الميزانية؟ بتتسوّق بدون ما تحسب كيف معقول توفي دينك؟

المتسوّق العفوي: بدخّر بشكل قليل أو ما عندو أبدأً حساب توفير.

في المتسوق يلّلي همّو المركز الاجتماعي. بيشتري آخر صيحات الموضة تيتميّز عن غيرو، والأهم أنّو يلفت انتباه الناس. ما بيهمّن اذا صاروا مديونين، وما بيهمّن اذا دفعوا أموال هائلة تيشتروا يللي على بالن.

المتسوّق الذكي: هالنوع من الناس بفكروا قبل ما يشتروا. بيشتروا عند الحاجة والأهم انّن بيستفسروا عن كل الأسعار قبل ما يشتروا، وبهالطريقة بينتبهوا ما يتخطّوا حدّ الـcredit card.
وإنت لأي نوع من المتسوّقين بتنتمي؟